mollët

Molla është një nga frutet më të shëndetshme dhe të përballueshme. Jashtëzakonisht e pasur me anti-oksidantë, Vitamin C dhe fibra, e bënë atë një ushqim shumë të shëndetshëm dhe të mirë. Mollët kanë një numër të madh përfitimesh shëndetsore, dhe ne po u japim 11 arsye më shumë pse do të duhej të hani çdo ditë nga një mollë.

1.Ndihmon në humbjen e peshës

Me më shumë se 1/3 e popullsisë së rritur thuhet të jenë obezë, aftësia e mollës për të promovuar humbjen e peshës është një lajm i mirëpritur. Dy veti kryesore që e bëjnë këtë frut të dobishëm në humbjen e peshës janë përbërja e lartë e fibrave dhe densiteti i saj i ulët i energjisë. Studime të ndryshme i kanë lidhur këto dy veti me reduktimin e marrjes së kalorive dhe humbjes së peshës për një kohë të gjatë. Bazuar në një studim, pjesëmarrësit të cilët kishin ngrënë 1.5 molla të mëdha (përafërsisht 300 gram) çdo ditë, humbën 1.04 kilogramë për një periudhë prej 12 javësh.

Një studim tjetër ka treguar se të hash mollë, veçanërisht gjysëm ore ose një orë para ushqimit, ndihmon në reduktimin e marrjes së kalorive dhe kështu ndihmon në humbjen e peshës. Për këtë arsye, përfshirja e mollëve në dietën tuaj të humbjes së peshës është shumë e rekomanduar. Për efekt më të mirë të humbjes së peshës, hani një mollë gjysëm ore para ushqimit.

2.Ulë nivelin e shiqerit në gjak & mbronë kundër diabetit

Studimet kanë dëshmuar se mollët ndihmojnë në reduktimin e nivelit të sheqerit në gjak dhe mbrojnë nga diabeti i tipit 2. Në një studim, pjesëmarrësit që kishin ngrënë një ose më shumë molla çdo ditë, kishin raportuar se kishin reduktuar rrezikun për zhvillimin e diabetit për pothuajse 30%. Kjo ndodhë për arsye se mollët janë jashtëzakonisht të pasura me fibra, të cilat kur i hani në sasi të mëdha përmirësojnë kontrollën e glukozës në gjak. Ato gjithashtu përmbajnë anti-oksidantë që ngadalësojnë tretjen e sheqernave. Duke j’u falenderuar këtyre dy vlerave ushqyese kryesisht, mollët janë një zgjedhje e mirë për atë të cilët janë diabetikë ose para-diabetikë.

3.Parandalon sëmundjet kardiovaskulare

Studime të ndryshme janë bërë për të hulumtuar lidhjen në mes mollëve dhe faktorëve që rrezikojnë njerëzit me sëmundje të zemrës. Në një studim që është bërë më kafshët, ngrënia e mollëve e kishte reduktuar në total nivelin e kolesterolit dhe ndërtimin e pllakëzave bakteriale brenda arterieve. Që të dyja këto janë faktorë rreziku për sëmundjet e zemrës. Nëse studimet e këtyre kafshëve janë të vërteta edhe për njerëzit gjithashtu, kjo do të thotë që nëse hani mollë mund të j’u ndihmojë të mbroheni kundër sëmundjeve të zemrës.

Në një studim i bërë me njerëzit nga studiuesit në Finlandë, rreziku i vdekjes për shkak të sëmundjeve kardiovaskulare ishte 43% më i vogël në gra dhe 19% në burra, për ata që kishin ngrënë më shumë se 54 gram mollë çdo ditë.

4.Mbronë kundër kancerit

Në një studim të quajtur “A e mbanë onkologjistin larg, një mollë çdo ditë?”, pjesëmarrësit që kishin ngrënë një ose më shumë mollë çdo ditë, ishin gjetur që kishin rrezik më të vogël për t’u prekur nga kanceri. Shkenctarët nga Asociacioni Amerikan për Kërkime të Kancerit gjithashtu rekomandojnë konsumimin e mollëve, të cilat ata besojnë se e zvogëlojnë rrezikun e marrjes së kancerit të pankreasit për 23%.

Studime të tjera kanë supozuar që mollët mbrojnë kundër kancerit. Për shembull, hulumtuesit në Universitetin e Kornellit kanë arritur të identifikojnë shumë përbërës në lëvoren e mollës që ndihmojnë në luftimin e qelizave kanceroze në gji, mëlqi dhe zorrë.

5.Parandalon gurët në tëmth

Njerëzit me nivel të lartë të kolesterolit në gjak janë në rrezik të lartë për zhvillimin e gurëve në tëmth. Doktorët zakonisht u rekomandojnë pacientëve të tyre dhe njerëzve të tjerë që janë në rrezik të lartë për të zhvilluar gurë në tëmth që të hanë ushqime të pasura me fibra siç janë mollët. Një tjetër alternativë është të pini lëng molle dhe grejpfruti të përziera me vaj ulliri dhe kripë Epsom, për të detoksifikuar mëlqinë.

6.Ndihmon në shmangien e Alcaimerit

Një studim e ka lidhur konsumimin e lëngut të mollës në minjë me reduktimin e rrezikut nga Alcaimeri. Edhe pse kjo ende duhet të provohet mjekësisht në njerëzit, është një shenjë inkurajuese pasiqë Alcaimeri nuk ka shërim.

7.Ndihmon kundër Parkinsonit

Njerëzit që konsumojnë fruta të pasura me fibra siç janë mollët dhe ushqimet e tjera, kanë rrezik më të vogël të zhvillimit të sëmundjes së Parkinsonit. Parkinsoni është një sëmundje progresive e sistemit nervor, e shënuar me shkatërrimin e dopaminës – që prodhon çeliza nervore në tru.

8.Parandalon Astmën

Të hani mollë është mirë për parandalimin dhe menaxhimin e astmës. Sipas një studimi Britanez, njerëzit që kishin ngrënë 2 deri në 5 mollë çdo javë, kishin 30% më pak shanse për të vuajtur nga astma krahasuar me ata që nuk kishin ngrënë. Kjo ndodhë pasiqë, mollët janë burim I mirë I karotinës, që ndihmon në zvogëlimin e pezmatimit në rrugët e frymëmarrjes. Një tjetër arsye pse janë të mira kundër astmës, është sepse përmbanë acid fenolik. Ky acid u ndihmon pacientëve me astma të marrin frymë më lirë, duke zvogëluar nevojën për medikamente.

Për më shumë, kur hani mollë e merrni dozën e nevojshme ditore për Vitaminë C. Vitamina C ndihmon vetëm në lehtësimin e pezmatimit në rrugët e frymëmarrjes por gjithashtu i mbanë mushkëritë të shëndetshme dhe të forta. Gjithashtu e forcon edhe sistemin imunitar. Një sistem i fortë imunitar ndihmon në lehtësimin e simptomave të astmës.

9.Forcon kockat

Pasiqë mollët janë një burim i shkëlqyer i kalciumit, ato ndihmojnë në forcimin e eshtrave tona dhe janë të mira për shëndetin e përgjithshëm të tyre. Përveç të pasura me kalcium, mollët gjithashtu përmbajnë disa anti-oksidantë që ndihmojnë në përmirësimin e densitetit të eshtrave, gjithashtu edhe përmbajnë një element kimik të quajtur Bor (ang.Boron) që parandalon frakturën e eshtrave dhe i forcon ato. Mollët gjithashtu përmbajnë floridcin, një polifenol që luan rol vital në zvogëlimin e rrezikut nga osteoporoza.

10.Zbardhë dhëmbët

Duket sikur të hani një mollë e mbanë me të vërtetë dentistin larg. Duke ngrënë një mollë pas çdo ushqimi ndihmon në largimin e njollave të verdha nga dhëmbët. Mollët janë të ashpra dhe të buta në acide, dy kualitete që ndihmojnë në zbardhjen dhe pastrimin e dhëmbëve.

Kur përtypen, mollët punojnë sikur një brushë dhëmbësh dhe ndihmojnë në heqjen e njollave të forta. Hani mollë të thata për disa ditë (përtypni mirë) dhe ju padyshim do të shihni që dhëmbët tuaj do të jenë më të bardhë se më parë.

Sidoqoftë, mbani në mend se sikur shumica e frutave, mollët përbëjnë acid dhe sheqer. Nëse mbesin në dhëmbët tuaj, mund të përjetoni probleme dentare. Për këtë arsye, shpëlani gojën mirë pasi që të keni ngrënë mollë dhe lani mirë me brushë para se të flini.

11.Detoksifikon mëlqinë

Molla përmbanë pektin, një përbërës anti-oksidant që ka kualiete të larta detoksifikuese. Ndihmon në heqjen e kolesterolit të tepërt, metaleve të padëshiruara dhe toksinave të tjera nga trupi. Një agjërim 2 ditor me mollë (që d.m.th., mollët apo/dhe lëngu i mollës do të jenë ushqimi juaj I vetëm për dy ditë radhazi) është një mënyrë e mirë për të detoksifikuar mëlqinë dhe përmirësuar tretjen përveç gjërave të tjera.

 

17. November 2015
molla

11 Arsyet që duhet të hani çdo ditë nga një mollë

Molla është një nga frutet më të shëndetshme dhe të përballueshme. Jashtëzakonisht e pasur me anti-oksidantë, Vitamin C dhe fibra, e bënë atë një ushqim shumë […]